-
“As redes informáticas ofrécennos unha perspectiva moi diferente da do ordenador solitario. En principio rachan o illamento tradicional das aulas, abríndoas ao mundo. Permiten a comunicación entre as persoas eliminando barreiras de espazo e tempo… están transformando radicalmente o que rodea ás escolas, é dicir, o mundo”. [Jordi Adell]
As redes sociais son unha clara mostra das posibilidades de comunicación que internet nos ofrece e que podemos doadamente utilizar como ferramenta no desempeño da labor educativa. Pero comunicarse é moito máis que a mera transmisión de mensaxes, por iso no ensino temos o reto de construír espazos de traballo colaborativo onde a comunicación teña pleno sentido: escoitar, opinar, debater, propoñer, contrastar, crear… xuntos/as.
Ler máis
-
Se valoramos a comunicación como a base do entendemento entre as persoas, a aprendizaxe a través do traballo en equipo vai provocar e potenciar a utilización de todos os seus códigos.
Desenvolveremos a competencia comunicativa para que o alumnado:
1. Utilice recursos sinxelos proporcionados polas tecnoloxías da información para comunicarse e colaborar.
2. Participe activamente en contornas virtuais de aprendizaxe, redes sociais e espazos telecolaborativos.
3. Contribúa á aprendizaxe mutua con ferramentas dixitais.
4. Emprega tecnoloxías da información e a comunicación para o tratamento, deseño e creación de imaxes, e para a difusión dos traballos elaborados. Ler máis
-
NIVEL: 6º de primaria.
ÁREAS: Coñecemento do medio, lingua castelá, lingua galega e plástica.
RECURSOS:
• Video-titorial Edmodo.
• Consellos, modelos e titoriais para a elaboración de presentacións multimedia.
Esta proposta pretende que o alumnado investigue e analice, en equipo, sobre o seu entorno para logo procesar esa información, concretala e comunicarlla a outros. O currículo recolle numerosas propostas de traballo coa intención de afondar no coñecemento do máis próximo dos nosos alumnos e alumnas e, a partir do mesmo, ampliar horizontes para ir descubrindo o mundo. Ler máis
-
Presentación multimedia
A través do traballo en equipos, constituídos por alumnos/as do mesmo lugar, elaboraremos unha proposta audiovisual. A rede social Edmodo proporcionaranos o soporte para o traballo coa documentación, facilitándonos a estructuración dos contidos e a comunicación interpersoal e de grupo.
Utilizando como base un modelo de presentación multimedia o alumnado daralle forma á súa propia. Dependendo da formación e competencias nas ferramentas propostas poderá modificar dito modelo para personalizalo ao seu criterio.
Ler máis
-
Aquí atoparás os recursos necesarios para levar a bo porto esta proposta. Recursos formativos, ligazóns a recursos e utilidaes web, documentación,...
Documentación.
Ferramentas na web:
Edmodo (rede social educativa).
Google Drive (presentacións multimedia).
Tamén podes atopar esta documentación no escritorio virtual do proxecto.
Ler máis
Faremos unha proposta concreta, tanto de metodoloxía coma de contidos, ferramentas e recursos para amosar estas posibilidades da comunicación.
Dende unha formulación sinxela das tarefas a conseguir, trataremos neste módulo de organizar ao alumnado para o traballo en equipo centrándonos nos procesos de comunicación para que o traballo colaborativo sexa operativo e satisfactorio.
- Tratamento da imaxe: materiais de apoio e directorio temático.
- Redes sociais no ensino: Edmodo
- Presentacións multimedia: Google Drive, Libre Office e Power Point
- Outras ferramentas de apoio ao profesorado na web 2.0: escritorio virtual.
OBXECTIVOS. A proposta pretende conquerir do alumnado:
- Avanzar no coñecemento dos códigos orais e escritos da lingua para utilizalos con soltura coa finalidade de facerse entender.
- Comprender a importancia do traballo en equipo para a resolución de tarefas.
- Utilizar as presentacións multimedia de xeito autónomo para comunicar ideas e proxectos.
- Coñecer as normas básicas de utilización das redes sociais e poñelas en práctica.
- Descubrir o potencial da comunicación en rede.
CRITERIOS DE AVALIACIÓN:
- Participa activamente nos procesos de traballo en equipo.
- Utiliza as ferramentas de comunicación autonomamente.
- Entende e cumpre as normas das redes sociais.
- É quen de facer achegas persoais ao traballo.
- Desenvolve a comunicación escrita e oral conforme ao nivel madurativo.
Inicio
No terceiro ciclo de primaria incídese en aspectos máis amplos da realidade social á que pertencemos pero esquecéndonos moitas veces de cotexar esas aprendizaxes coa propia realidade do entorno do noso alumnado.
Se durante o traballo coas unidades de coñecemento do medio, correspondentes ao estudo da sociedade na que vivimos, somos capaces de inverter de novo o proceso para incidir no estudo e análise do que xa coñecemos, do que nos rodea, do noso, e amplialo con novas perspectivas estaremos proporcionando o soporte para entender mellor outras sociedades e outras culturas en base as características diferenciais destas con nós mesmos, contribuíndo sen dúbida á súa formación como cidadáns.
Esta proposta, sinxela na formulación e máis complexa no proceso, pretende que o alumnado recolla, analice, investigue… sobre o seu entorno máis próximo para logo, e mediante un traballo en equipo, sexa quen de procesar esa información para concretala e comunicarlla a outros. Utilizaremos unha rede social para desenvolver o proceso construtivo (como medio), e concretaremos os resultados nunha presentación multimedia.
O profesorado terá o cometido de coordinar o proceso, dende a organización dos equipos ata a publicación e/ou exposición dos resultados, pasando polo apoio e control do funcionamento das ferramentas propostas.
As actividades do alumnado estarán encamiñadas ao desenvolvemento de tarefas de investigación e recolleita de datos segundo os seguintes aspectos:
- Localización: mapas e fotos para a situación xeográfica.
- A paisaxe: vivenda (tipoloxía xenérica); territorio (Concello, parroquia, barrios, aldeas, urbanizacións, vila, cidade…); ecosistemas (campo, montaña, mar, cidade, mixto…).
- Oficios: bases económicas da zona (profesións habituais, industria, comercio, emigración e inmigración…).
- Produtos: propios, do campo, do mar… da industria, da artesanía.
- Historia: datos históricos máis relevantes. Patrimonio etnográfico. Monumentos, edificios artísticos… Museos e exposicións. Persoeiros importantes (históricos e actuais).
- Tradición: festas e celebracións tradicionais. Cando e porqué se celebran.
- Xogos: xogos típicos da zona (dos nosos pais e avós), xogos actuais. Deportes e outras diversións.
- Comunidade: Casa do Concello (se é o caso). Outros espazos de encontro e relación social (casa da cultura, bibliotecas, espazos deportivos, áreas recreativas, centros educativos e a nosa escola...
Inicio
Propoñemos traballar con “Edmodo” polas posibilidades comunicativas e organizativas que nos ofrece. O profesorado terá que crear un curso (grupo) co seu alumnado para poder desenvolver as propostas que facemos neste módulo (isto require que o alumnado se rexistre tamén no grupo creado). O profesorado que descoñeza a ferramenta pode descubrila no vídeo-titorial que aportamos nos recursos ou na numerosa documentación que existe na rede sobre a mesma.
Para a elaboración de presentacións multimedia temos varias posibilidades. Se o noso centro dispón das “Google Apps educativas” podemos traballar directamente coa ferramenta de presentacións de Google Drive, ideal para o traballo en equipo. De non ser así, propoñemos como alternativa traballar con “Impress” (de Libre Office).
Propoñemos tamén nos recursos, para o profesorado, a presentación “Para facelo sinxelo”, co fin de que poida preparar os conceptos máis importantes que logo deberán traballar os alumnos/as. Esta pode ser completada con achegas do propio profesorado (presentámola en tres formatos, para non ter problema con ningunha ferramenta, “pptx”, “odp” e a propia de “Google Drive”.
Inicio Secuencia
Consellos para crear unha presentación multimedia. 
Como manexar "Impress".
Modelo de presentación sobre a localidade.
Modelo de presentación sobre a localidade (para descargar... formato odp).
Información dos concellos de Galicia.
- Edmodo (rede social educativa): http://www.edmodo.com. Titorial
- Video-titorial de Edmodo para descargar (zip). [executar "index.html"] .
Google Drive (presentacións): https://www.google.com/intl/es/drive/start/
. Titorial
Tamén podes atopar esta documentación no escritorio virtual do proxecto.
