Ferramentas
principais
|
As
principais ferramentas de traballo que nos ofrece son:
Comúns
a profesorado e alumnado
-
Espazo
de comunicación. Como calquera rede social podemos
enviar mensaxes a todo o grupo ou a persoas en particular. Estas
mensaxes poden incluír ademais imaxes, vídeos ou sons
inseridos (con código embed) o que facilita a presentación de
contidos sen ter que saír de Edmodo, e tamén permite crear e
compartir enlaces a páxinas e espazos de interese. As mensaxes
privadas (é dicir, individuais) entre o profesor e un alumno/a
só son visibles por ambos, o que significa un alto grado de
discreción, pero as mensaxes privadas entre o alumnado tamén
son visibles polo profesorado (facilitando o seguimento e
control do uso correcto da ferramenta). Ademais as mensaxes
poden ser etiquetadas para unha clasificación e localización
doada con posterioridade. As mensaxes ordénanse
cronoloxicamente, aparecendo as máis recentes en primeiro
lugar.
-
Axenda.
Cada grupo dispón dunha axenda onde rexistrar eventos tanto
colectivos, para todo o grupo (avisos de actividades, controis,
actos especiais, recordatorios...), como privados (só visibles
para o profesor/a autor/a e destinatario/a). O alumnado tamén
pode crear na axenda anotacións persoais.
-
Biblioteca.
Dado que o bo funcionamento dunha rede social implica multitude
de mensaxes, enlaces, documentos... precisa tamén de
ferramentas para organizalos, clasificalos e permitir unha
recuperación áxil e cómoda de todos os recursos de interese
en cada momento. Esa é a finalidade da biblioteca. Na mesma
podemos ver todos os contidos anexos as mensaxes, permítenos
crear carpetas, gardar eses contidos nas mesmas e recuperalos
dende elas sen ter que buscalos entre as mensaxes (só pode
crear carpetas compartidas para o grupo o profesorado, o
alumnado dispón dunha "mochila" persoal para
organizar os seus recursos particulares).
-
Configuración
do perfil.
Onde podemos personalizar unha imaxe do
perfil e onde aparecen tamén os contactos establecidos entre o
profesorado. Tamén podemos cambiar o contrasinal se é preciso.
Para
o profesorado
O
profesorado dispón de ferramentas propias do seu rol para a xestión
e control dos grupos.
-
Xestión.
Podemos crear novos grupos. Cada grupo xera un código que será
o dato que teñen que utilizar os alumnos/as para rexistrarse no
mesmo (este código pode cambialo o profesor sempre que lle
pareza oportuno, para garantir a seguridade). Ademais dentro de
cada grupo pódense xerar outros máis pequenos para o
desenvolvemento de tarefas de equipo, o que é dunha gran
utilidade xa que evita as interferencias e molestias que puidera
ocasionar a diversificación de mensaxes entre o alumnado que
está a traballar en procesos diferentes ao mesmo tempo.
-
Asignación.
Permítenos crear tarefas para todo o grupo, para os grupos
pequenos ou para un alumno ou alumna en concreto. A través
dunha asignación crease un botón visible para o alumnado, que
terá que entregar o seu traballo a través do mesmo,
facilitando a centralización dos envíos. Nas asignacións
figuran ademais os datos relativos ao proceso que hai que
desenvolver, consellos e datas orientativas ou definitivas de
entrega. Todas as asignacións aparecen tamén na axenda dos
grupos ou, se é o caso, na axenda individual.
-
Cualificación.
As tarefas desenvoltas a través das asignacións poden ser
avaliadas, comentadas e incluso permite a devolución para a
mellora e repetición das mesmas. Toda esta información é
accesible ao alumnado (cada quen á súa, e só á súa).
-
Seguimento
dos procesos.
Para facilitar o seguimento dos grupos o
profesorado conta cunha estatística de cada alumno/a (tarefas
desenvoltas, pendentes, cualificacións...).
-
Control
de usuarios/as.
É doado que un alumno ou alumna
esqueza o seu nome de usuario ou a súa contrasinal. Por iso o
profesorado ten posibilidade de acceder aos datos dos alumnos e
alumnas podendo saber cal é o nome de usuario/a e anular o
contrasinal (que non pode ver, só pode eliminalo e cambialo
para que acceda o alumno/a e o cambie novamente dende o seu
perfil). Por suposto tamén temos a opción de dar de baixa a un
usuario/a ou de eliminar un grupo completo.
-
Gratificacións
simbólicas.
Pódense crear símbolos que fagan de
gratificacións para outorgar ao alumnado durante os procesos de
aprendizaxe para incentivar e motivar o entusiasmo e a
satisfacción do traballo ben feito (o que Edmodo denomina
"insignias"), do tipo de: "creativo, interesante,
solidario, xeneroso, enxeñoso...". Este tipo de simboloxía
pode moitas veces substituír as cualificacións
tradicionais.
Propias
do alumnado
Ademais
das ferramentas comúns xa comentadas, o alumnado ten opción de:
-
Ver
a biblioteca.
O alumnado ten acceso á biblioteca
creada polo profesorado para o seu grupo. Pode ver todos os
arquivos, vídeos, documentos... arquivados na mesma.
-
Seguimento
do seu progreso.
Dende un botón, o alumnado pode ver
toda a información sobre as súas tarefas entregadas,
cualificacións, gratificacións...
-
Seguimento
de participación.
Pode seleccionar este modo de visión
de mensaxes para ver a súa participación, excluíndo todas
aquelas nas que non teña participado.
-
Mochila
persoal.
Para crear a súa propia biblioteca privada,
con documentación do seu interese. Así pode arquivar material
de traballo para o seu estudo que logo poderá publicar ou non
para o resto do grupo. Admite imaxes, documentos en distintos
formatos, enlaces...
-
Código
familiar.
Este código é único e persoal para cada
alumno/a. Se os pais o utilizan poderán facer un seguimento da
súa actividade en Edmodo, como xa comentamos.
|
|